Do dukaanon ke liye KhadMunshi ka pehla mahina free

Aap ko kya milta hai

• Pehla mahina bilkul free.
• Purana hisaab (opening balance) daalne mein madad.
• Staff ko chand ghanton ki training.
• Mahine bhar WhatsApp par seedha rabta.

Hum aap se kya chahte hain

• Mahine bhar app mein bill aur khata rozana likhein.
• Shuru aur aakhir mein chand numbers batayein: mahine ke end par kul baaki nikaalne mein kitna waqt laga, aur kitne bill ghalat nikle.
• Ek chhoti baat-cheet, jis mein aap batayein ke kya achha laga aur kya nahi.

Aap ka naam, dukaan ka naam aur numbers sirf aap ki likhi hui ijazat se hi case study mein aate hain. Ijazat na ho to kuch publish nahi hota.

Kin dukaanon ke liye

Fertilizer, pesticide ya beej ki dukaan, jahan kisan udhaar par maal lete hain aur kam az kam 50 kisanon ka khata chalta hai. Pakistan aur India dono se dukaandar apply kar sakte hain.